An Aip is fearr liom…

Aindriú de Paor – Cé hé?
Is láithreoir raidió agus iriseoir é Aindriú, níos minicí a bhíonn sé féin ag cur na ceiste ach is muide a chur faoi agallamh eisean an babhta seo!

Aindriú de Paor ag cur Art Parkinson faoi agallamhIs as Carraig-na-Siúire i gContae Thiobraid Árann ó dhúchais é. Bíonn sé ar ‘An Seinnliosta’ ar RTÉ Pulse chuile oíche Chéadaoin ag 9 i.n. agus ar an mBricfeasta Blasta ar Raidió na Life gach Luan agus Céadaoin ag 8 r.n. Bíonn Aindriú mar thuairisceoir ag RTÉ Raidió na Gaeltachta i mBaile Átha Cliath freisin.

D’iarr Teic na nGael ar Aindriú – Cén Aip is fearr leat?

“Tá sé deacair aip amháin a roghnú i bhfírinne. Tá cúpla aip ann a úsáidim an-mhinic go laethúil.”

“Bíonn Twitter in úsáid agam (@aindriudepaor) sách minic agus mé ag obair. Tá Twitter fíor-áisiúil d’iriseoirí cosúil liomsa mar bíonn an t-eolas is déanaí ann faoi gach aon scéal nuachta le fáil ann. Daoine ar an láthair, tuairimí, ráflaí, tá siad uile ann agus cuidíonn sé sin go mór.”

“Freisin bainim an-úsáid as Snapchat. Úsáidim é gach aon lá chun caint le mo chairde ar agus bíonn sé iontach chun taispeáint do dhaoine céard a bhíonn ar bun agat!”

Ag labhairt le Aindriú, cuirtear ag smaoineamh muid go bhfuil bealaí chun cumarsáid a dhéanamh anois na laethanta seo níos éasca. Nílimid ag brath ar an litir scríofa amháin mar a bhíodh agus cuma cén áit sa domhain atá an duine ar mhaith linn fanacht i dteagmháil leo. Tá go leor aipeanna agus áiseanna anois againn chun seo a dhéanamh. Mar a lúann Aindriú faoi Snapchat mar shampla..

“Bíonn sé an-suimiúil uaireanta, tá cara liom sa tSín faoi láthair agus bíonn a chuid stuiff ar snapchat dochreidte uaireanta! Leanaim cúpla duine atá ag obair sna meáin éagsúla freisin agus is aoibhinn liom a bheith ag féachaint orthu agus iad i mbun oibre. Táim ag iarradh níos mó de sin a dhéanamh le mo chuntas féin (andrewpower95) amach anseo!”

Cé go mbaineann Aindriú úsáid as Twitter agus Snapchat go laethúil, cén aip a roghnóidh sé dúinn..

“Ach dá mba rud é go raibh orm aip amháin a roghnú (agus tá, b’shin an pointe leis an alt seo) bheadh sé thar a bheith deacair orm gan Spotify a roghnú.

“Ach dá mba rud é go raibh orm aip amháin a roghnú, bheadh sé thar a bheith deacair orm gan Spotify a roghnú.”

“Tá an-dúil agam i gcúrsaí ceoil, (cé nach mbeinn in ann coirneáil a chasadh, ná bac le hamhrán!) agus bíonn Spotify iontach chun an ceol is fearr agus is nua a aimsiú. Agus mé ag láithriú cláir ceoil ar RTÉ Pulse, is aoibhinn liom ceol nua a chur amach ansin.”

“Bím ag éisteacht leis an ‘Release Radar’ a bhíonn ar Spotify chuile Aoine agus bíonn neart seod ceoil ann chuile sheachtain!”

“Ceapaim gur iontach an rud é go bhfuil an ceol is fearr ó ar fud an domhain le fáil ar aip amháin agus go bhfuil sé saor in aisce mura bhfuil fonn ort ballraíocht a íoc! Cé go n-íocaim féin an bhallraíocht mhíosúil, níl difríocht mhór ann idir an leagan saor in aisce agus an leagan atá agam féin. An t-aon difríocht in ndáiríre ná go bhfuil tú in ann éisteacht le do cheol gan cheangail idirlín nuair a íocann tú as.”

Is féidir linn a dheimhniú (mar nach bhfuilimid ag íoc an ballraíocht seo faoi láthair) go mbíonn go leor fógraíocht ar an ceann saor in aisce! Aon difríochta eile ar féidir leat a chur leis seo?

“Mura bhfuil Spotify ar d’fhón agat cheanna féin, mholfainn go mór daoibh dul agus é a íoslódáil láithreach!”

Ár mbuíochas le Aindriú de Paor as ucht an ábhar spéisiúil seo agus is minic atá Spotify ag teacht arais chugainn mar rogha Aip is Fearr. Sin ceann a roghnaigh Emma Ní Chearúil chomh maith. Cén Aip is Fearr leatsa faoi láthair na huaire?

Bíonn Aindriú le clos ar RTÉ Pulse chuile Chéadaoin ag 9 i.n. agus ar Raidió na Life gach Luan agus Céadaoin ar maidin ag 8 r.n.

Is féidir éisteacht leis an agallamh a chur sé orainn faoi Teic na nGael .com tar éis dúinn an suíomh gréasáin seo a thosnú a bhí ar Cormac @ 5 ar RTÉ Raidió na Gaeltachta. (Áit a gheall sé dúinn go scríobhadh alt 😉 agus sin déanta! GRMA Aindriú)

Más mian leat Aindriú a leanacht ar Snapchat: andrewpower95 Twitter: @aindriudepaor Soundcloud: aindriudep Instagram: aindriudepaor agus, ar ndóigh, tá sé ar Spotify.

An Aip is fearr liom…

Karina Feirtéar – Cé hí?

Bainisteoir Óige i TG4. Is Ciarraíoch í Karina Feirtéar ó dhúchais. Tá cúlra saibhir san ealaíon aici. D’oibrigh sí mar ealaíontóir grafach le breis agus 10 mbliana. Tar éis sin, bhí sí ag plé le stiúradh agus ag léiriú sraitheanna don lucht féachana óg i TG4. Tá go leor forbairt déanta aici i bhforbairt aipeanna Gaeilge do Cúla4. Tá sí pósta agus beirt páiste aici féin. Faoi láthair, tá sí ag bainistiú ábhar a chuirtear ar fáil ar ardáin digiteach as Gaeilge don lucht féachana óg – cainéal YouTube Cúla4 agus na h-ardáin eile ina mbíonn a cuid tuismitheoirí & múinteoirí ar fáil. Is breá leí gach rud a bhaineann leis na h-ardáin shóisialta.

D’iarr Teic na nGael ar Karina – Cén Aip is fearr leat?

Karina Feirtéar ag úsáid Snapchat“Is breá liom go leor, LEOR aipeanna. Tá gach rud ar fáil ar mo fón póca anois. Gach rud ó mo bhanc, siopaí gur féidir éadach a cheannacht, chomh maith le r-phostanna a sheoladh! Caithim go leor am ar seinnteoirí ar mo fón (tá’s agat.. scáileán an-bheag), chomh maith le YouTube.”

“Ach cad é an ceann is mó a bhainim sásamh as agus go gcaithim formhór de mo chuid ama air? Snapchat! Tá an glúin níos óige sa lá tá inniu againnn ag díriú isteach ar domhan físiúil, níos mó na focail. Is ardán cliste é Snapchat atá tógtha ar an bhunús sin.”

“Is breá liom go leor leor aipeanna. Ach cad é an ceann is mó a bhainim sásamh as agus go gcaithim an chuid is mó de mo chuid ama ar? Snapchat!”

Karina Feirtéar ag úsáid Snapchat Is breá liom é mar nach bhfuil rialacha faoi leith ag baint leis – Bealach iontach físiúil le scéal a chumadh agus thaifeadadh.

Tá neart spraoi ann ag cruthú teachtaireachtaí agus iad a sheoladh chuig do chairde nó “snap scéal” a chumadh dod leantóirí. Is féidir ceol a chur leis nó do chuid graificí / dearadh féin.

Níl Snapchat ach ina thús, beidh neart forbairtí agus réimsí nua ag teacht leis an ardán amach anseo.

 

“Ní h-amháin go maith liom mo chuid snaps féin a chruthú, ach is breá liom roinnt daoine a leanúint chomh maith.”

“Tugann sé léargas mhaith réalaíoch dúinn ar shaol dhaoine- mar shampla daoine cáiliúil- taispeánann sé dúinn an saol atá acu- gan an smide.. nó taobh thiar den cheamara i taifeadadh mór.”

Ár mbuíochas le Karina as ucht a gcuid ama ag freagairt na ceiste seo agus is léir go duine í a bhaineann an-úsáid as Aipeanna! Céard fútsa? Céard iad na Aipeanna is mó a bhaineann tusa taitneamh agus úsáid astu? Má cheapann tú go mbíonn aon duine ag ‘Snapscéalaíocht’ a leanann tú ar Snapchat ar chóir go mbeadh muid ar an eolas fúthu, fáilte romhat teachtaireacht a fhágáil thíos, nó bí i dteagmháil linn.

Dala an scéil, is iontach na áiseanna atá ar fáil ó Cúla4 agus beidh alt eile againn faoi seo go gairid.

An Aip is fearr liom…

Scott De Buitléir – Cé hé?

Scott De BuitléirIs scríbhneoir agus file é Scott De Buitléir as Cluain Tarbh, Baile Átha Cliath , a bhfuil cónaí air sna laethanta seo i Nottingham Shasana. Tá clú air mar iar-chraoltóir agus iriseoir leis na meáin Ghaeilge, agus mar bhunaitheoir na hirise EILE Magazine. Thóg sé céim siar ó na meáin i ndiaidh an reifreann um Chomhionannas Pósta i 2015.

Díríonn sé a chuid cruthaíochta anois ar an scríbhneoireacht. Seoladh a chéad chnuasach filíochta, ‘Fás | Growth’, an mhí seo, agus tá sé ag obair anois ar a leabhar nua, The Irish Outlander, a bheidh ar fáil i 2018.

D’iarr Teic na nGael ar Scott – Cén Aip is fearr leat?
Bhí Scott ar saoire san Íoslainn le gairid agus seo ceann de na grainghraif álainn a ghlac sé ann ar a lá dheireanach, nuair a bhí sé amach ag siúl:

Griangraif a glac Scott De Buitléir san Íoslainn
Griangraif le Scott De Buitléir

“Nuair a bhíonn an t-am saor agam, déanaim feabhas a chur ar mo scileanna grianghrafadóireachta, mar sin is maith liom Snapseed le Google a úsáid.”

Tá sé ar fáil d’iOS agus d’Android, agus ligeann sé duit do chuid grianghraf a chur in eagar i gceart.

“Déanaim iarracht an grianghraf ceart a thógáil ar mo cheamara, agus ansin cuirim in eagar é trí Snapseed, sula gcuirim ar Instagram é.”

solas_átha_cliath Griangraf le Scott De Buitléir
Griangraf le Scott De Buitléir

“Muna bhfuil mórán eagarthóireachta de dhíth ar an íomhá, bainim triail as VSCO freisin, mar sílim nach bhfuil sé chomh maith le Snapseed do dhaoine nach bhfuil ach ag tosnú amach mar ghrianghrafadóirí.”

rothar_reicivic Grianghraf le Scott De Buitléir
Grianghraf le Scott De Buitléir

suíomh gréasáin ag Scott De Buitléar, ann a bhfuil nascanna na suíomhanna gréasáin. Is cinnte go bhfuilimid a leanacht ar Instagram! Grianghrafadóir den scoth. Tá fáil ar Fás | Growth arAmazon agus ar Kobo. a chéad chnuasach filíochta, ann atá ós cionn 50 dán scríofa i mBéarla agus i nGaeilge, foilsithe ag MKB Publishing.

An Aip is fearr liom…

Emma Ní Chearúil – Cé hí?

Emma Ní Chearúil Oifigeach Forbartha Gaeilge - Gael-Fhorbairt na Gaillimhe Teo.
Grianghraf le Sita O’Driscoll

Is Oifigeach Forbartha le Gael-Fhorbairt na Gaillimhe í Emma Ní Chearúil, arbh as Maigh Nuad i gContae Chill Dara ó dhúchais í. Bíonn sí ag obair le grúpaí pobail – leithéidí Club na nÓg, Brunch le Gaeilge, Gaeil na Gaillimhe agus Raidió na dTreabh.

Tá sí ina bainisteoir ar an stáisiún pobail Raidió na dTreabh i gCathair na Gaillimhe, agus ar RG Lurgan, atá ar fáil mar aip (ar AndroidApple) agus a chasann popcheol Gaeilge 24/7.

D’iarr Teic na nGael ar Emma – Cén Aip is fearr leat?

“Faoi láthair agus le déanaí tá iarracht á dhéanamh agam aipeanna a sheachaint agus níos lú ama a chaitheamh le fón i mo lámha, agus mar sin níl ach cúpla ceann fágtha agam.”

“tá iarracht á dhéanamh agam le déanaí níos lú ama a chaitheamh le fón i mo lámha”

Is léir go n-aithníonn Emma an gá le smacht a bheith againn orainn féin ó thaobh an teicneolaíochta dhe. Tuigeann muid anseo ag Teic na nGael go bhfuil sé i bhfad ró-éasca a bheith sánaithe faire ar scáileáin chuile nóiméad den lá!

“Ní fhéadfainn maireachtáil gan na cuide seo áfach!”

Is fearr cinnte an mheasarthacht a dhéanamh. Tá dúil anois againn a chloisteáil céard iad na ceanna atá fanta ina saol. Sé Instagram an chéad aip a luann sí agus mar is eol do dhuine ar bith a bhíonn í leanúint, is breá léi é.

“Twitter ceann eile lena bhfuil mé gafa fós, cé nach bhfuil sé ar m’fhón agam a thuilleadh!”

“Is féidir am a chur amú ag scrolláil ar aip shóisialta ar bith, ar ndóigh, ach más féidir staonadh uaidh sin, sílim go bhfuil buntáistí eile ag Instagram.”

“Seachas d’aird a tharraingt ón saol mór agus a dhíriú isteach ar an scáileán beag, sílim go spreagann Instagram mé níos mó airde a thabhairt ar na rudaí áille atá thart timpeall orainn. Stopann daoine le bheith ag breathnú ar spéir dheas nó rudaí fánacha aisteacha ar na sráideanna dá bharr agus sílim gur álainn an rud é sin!”

“Is breá liom Instagram, sílim go spreagann Instagram mé níos mó airde a thabhairt ar na rudaí áille atá thart timpeall orainn.”

Ní hiad Instagram agus Twitter amháin atá fágtha i saol Emma Ní Chearúil. Ar ndóigh, cuireann sí an-suim sa cheol.

“Ceann eile nach bhféadfainn maireachtáil gan é ná Spotify, agus sílim gurb é an €9 is fearr a chaithim chuile mhí – spreagann sé mé agus mé ag rith, cuireann sé ar mo shuaimhneas mé agus is maith liom éisteacht leis ar an mbus, ag ligint orm fhéin go bhfuil fuaimrian á chasadh do scannán mo shaoil. Tá sé cosúil le iTunes gan limistéar a bheith agat!

“sílim gurb é an €9 is fearr a chaithim chuile mhí ná Spotify”

“Tá GarageBand agam freisin, atá iontach le dréachtaí ar chaighdeán maith a thaifead d’amhráin más ceoltóir thú!”

Seachas an Aip atá 4.99 le cheannacht, tá Garageband mar cuid den phacáiste iLife atá saor in aisce ar aon Mac nua (chomh maith le iMovie agus Photos) Ach ní gach duine a bhíonn ar an t-idirlíon ar ríomhairí a thuilleadh, mar a mheabhraíonn Emma dúinn – a chuireann iontas orainn mar nach bhfuil ríomhaire glúine aici! (Níl fhios agam an bhféadfadh muidne maireachtáil gan é)

“Faoi láthair níl teilifís ná ríomhaire glúine agam agus mar thoradh ar sin táim gafa ag podchraoltaí agus raidió – cláir faisnéise, cláir chainte, cláir cheoil, rud ar bith i ndáiríre! Tá Podcasts iontach mar gur féidir podchraoltaí ó shuíomhanna agus stáisiúin éagsúla (Raidió na dTreabh ina measc!) a roghnú agus fógra a fháil nuair a bhíonn cláir nua ar fáil!”

Ár mbuíochas le Emma Ní Chearúil, ar féidir a leanacht ar Instagram agus ar Twitter. Freisin, tá Podchraoltaí Raidió na dTreabh ar iTunes

An Aip is fearr liom…

Micheál Ó Ciaraidh – Cé hé?

Micheál O Ciaraidh TG4 Teic na nGaelIs láithreoir teilifíse é Micheál Ó Ciaraidh ar Cúla4 (rannóg na ndaoine óga) TG4 agus oibríonn sé ar cúntais na meáin shóisialta TG4 chomh maith! #Teic

Nuair nach mbíonn Micheál ag snapáil nó ag déanamh míreanna beo ar Facebook agus meáin shóisialta eile, seineann sé an fidil le banna ceoil darbh ainm Spats Colombo. Táimid ar fad ag tnúth go mór le iad a fheiceáil ag an Electric Picnic arís i mbliana agus tá EP le Spats Colombo ‘Caught in a Bind’ ar fáil le híoslódáil. D’aithneá ó chanúint bhreá Micheál gurb as Leitir Ceanainn, Co. Dhún na nGall dó.

D’iarr Teic na nGael ar Micheál – Cén Aip is fearr leat?

“Bímse gafa le mo fón agus mar sin de, tá mé ag ceapadh go bhfuil na haipeanna ar fad agam faoin am seo! Is iad na cinn a úsáidim don chuid is mó ná Facebook agus Twitter le bheith ionraic, ach ‘s an aip is fearr liom ar domhan ná ‘Soundhound’.

 “na cinn a úsáidim don chuid is mó nó Facebook agus Twitter, ach an aip is fearr liom ar domhan ná Soundhound”

“Ní aip nua atá inti ach fos féin ceapaim go bhfuil cumhachtaí osnádúrtha aici! Tá sí iontach cosúil le ‘Shazam’ san doigh ‘s gur féidir leis an aip seo ceol a aithint ó a bheith ag ‘éisteacht’ le píosa gairid uaidh.

“Mar cheoltóir, tá sé seo iontach mar is minic an am a thagann corr-séis istigh i mo cheann agus déanaim iarracht é a chanadh amach – le fáil amach go díreach cén t-amhrán atá ann. É sin ráite, agus tá mé i ndáiríre faoi seo, tá aip nua den scoth foilsithe ag Foras na Gaeilge an tseachtain seo.

“tá aip nua den scoth foilsithe ag Foras na Gaeilge an tseachtain seo le téarmaí nua ar nós ‘selfie stick’, ‘marriage equality’ agus ‘eejit’ ann”

“Sé ‘Foclóir’ Béarla – Gaeilge atá inti ach tá i bhfad níos mó ná seo amháin i gceist leis. Mar shampla, tá stóir focail nua aige le téarmaí nua ar nós ‘selfie stick’, ‘marriage equality’ agus ‘eejit’ ann. Ach ‘s an rud is glic faoi ná tá samplaí fuaime ann le ngach aon focail agus is féidir an bhealach a ndeirtear iad sna canúintí ar fad a chloisteáil. Samhlaigh dá mbeadh a leithéid ann nuair a bhí mé féin ar scoil ‘s ag iarraidh ullmhúcháin a dhéanamh don Ardteist. ‘Fá dtaobh de’ ABÚ!!!!!”

Ár mbuíochas le Micheál as ucht labhairt linn, tá sé freisin gnóthach faoi láthair mar duine de ambassadóirí Seachtain na Gaeilge na bliana seo. Bíonn sé freisin ag láithriú clár raidió ar stáisiún pobail Gaeilge Cathair na Gaillimhe Raidió na dTreabh.

An Aip is fearr liom…

Conchubhair Mac Lochlainn – Cé hé?

Grianghraf de ConchubhairIs físghrafadóir tráchtála agus sainchomharlaí digiteach agus cumarsáide é Conchubhair Mac Lochlainn, gur leis Acmhainní Teoranta – an t-aon gníomhaireacht digiteach iomlán dhá-theangach sa tír. Muineachánach ó dhúchais, tá sé anois lonnaithe idir Baile Átha Troim agus lár na Cathrach Átha Cliath. Agus rochtain aige ar leathanbhanda réasúnta gasta, is féidir leis feidhmiú ar son réimse leathan cliaint fud fad an domhain ar-líne, gan fiú tír ná teach a fhágáil. Is Cathaoirleach é ar Seachtain na Gaeilge le Energia ar siúl anois.

D’iarr Teic na nGael ar Conchubhair – Cén Aip is fearr leat?

“An aip is fearr liom faoi láthair, agus déarfainn go gcuirfeadh sé seo iontas ar roinnt mhaith daoine, ná feidhmchlár ‘SnaG 2017’ atá ar fáil ar iTunes agus Google Play. Is liosta cuimsitheach ar gach imeacht áitiúl, is cuma cá háit ar domhain, atá ag tarlú don Féile is mó riamh d’ár dteanga dúchais faoi láthair.”

An aip is fearr liom faoi láthair, agus déarfainn go gcuirfeadh sé seo iontas ar roinnt mhaith daoine, ná feidhmchlár ‘SnaG 2017’

“Tá Seachtain na Gaeilge le Energia ag dul ó neart go neart le cúpla blian anuas, a bhuíochas leis an bhfoireann cumasach atá againn, ach is tábhachtach cuimhniú gur bunaithe ar an phobal atá an rath sin, agus ar an pobal céanna a mbraitheann an féile fhéin.”

“Sin an fáth gur go h-uile is go h-iomlán slua-fhoinnsithe atá na sonraí don aip. Ní bheadh muid in ann gach imeacht a chlárú fé mar a tháinig na sonraí chugainn san oifig, agus mar thoradh tá an inneal taobh thiar den aip, a d’fhorbair Pangr dúinn, thar a bheith cliste. Agus na sonraí leagtha amach mar is ceart ar an bhfoirm ar líne, cruthaítear an t-imeacht d’aon ghnó. Ansin, agus é ina luí ar an mbunachar sonraí, níl le déanamh ag an úsáideoir ach rogha a dhéanamh cén saghas imeacht atá uathu, agus cé chomh chongaireach dóibh – is féidir leas a bhaint as an GPS ar an ngléas atá acu imeachtaí a thaispeáint de réir cóngaireacht.”

Níl le déanamh ag an úsáideoir ach rogha a dhéanamh ar cén saghas imeacht atá uait, agus cén fhaid uait – is féidir leas a bhaint as an GPS ar do ghléas chun imeachtaí a thaispeáint de réir cóngaireacht

“Is dócha gurb iad san na smaointí is fearr ó taobh an saol digiteach de: Rudaí thar a bheith simplí ag breathnú, atá rúinín beag d’éirimiúlacht taobh thiar dóibh, agus a dhéanann saol an úsáideora – ach go háirithe dóibh san l’Acmhainní teoranta (boom boom!) – giota beag níos éasca.”

Ár mbuíochas le Conchubhair as ucht labhairt linn (agus as ucht an imeartas focal) Is féidir níos mó eolas a fháil faoi a ghnó ‘‘Achmhainní Teo.’ ar líne

Is féidir Aip Seachtain na Gaeilge a íoslódáil saor in aisce ó iTunesGooglePlay.