An Aip is fearr liom…

Beatrice Ní Bhroin – Cé hí?

Beatrice Ní BhroinTógadh Beatrice i gConamara ó bhí sí 11 bliain d’aois. Tá sí ina chónaí anois i Londain lena páirtnéir Brian le 6 bliana anuas. Bíonn Beatrice ag obair i léiriúcháin teilifíse ar chláir faisnéise. I 2015, d’fhág sí fostaíocht chun obair di féin. Is fíor scéalta den cuid is mó an obair a bhíonn ar siúl aici.

D’iarr Teic na nGael ar Beatrice – Cén Aip is fearr leat?

“An aip is fearr liom ná aip aimsire ‘Met Office’. Níl sé “cool” ach thosaigh mé ag breathnú ar gach aon lá!”

Baineann Beatrice úsáid as an aip aimsire ‘Met Office’ nuair a bhíonn sí ag obair agus ina cuid am saor.

“Go pearsanta, mar gheall go bhfuil muintir agus cairde liom ina chónaí ar fud an domhan, tá na áiteanna difriúla sábháilte agam san aip agus is aoibhinn liom féachaint orthu sin, samhlaím mo bhaile féin nó áit te cosúil leis an Astráil!”
Met Office Weather App
“I lár an cathair Londain tá fadhb aer glann mar gheall ar truailliú, tá sé dochreidte nach bhfuil níos mó á dheánamh ag an rialtas faoi – tá an eolas seo le fáil san aip agus coinníonn mé súil ar mo shráid féin. Ar an dea-uair táim in aice le páirc ar ard mór ón múch!”

“Nuair atá tú ag obair duit féin caithfidh tú a bheith éifeachtach le do chuid ama ach ní gá fanacht le haghaidh an deireadh seachtaine chun lá deas a caitheamh ar do rothar nó sa linn snámha. Má tá eolas ar fáil ón aip go mbeidh an grian ag scaladh Dé Céadaoin, fágfaidh mé an ríomhaire sa mbaile an tráthnóna sin :)”

Bíonn Beatrice ag obair mar ceamaradóir ach is léiritheoir agus stiúrthóir í freisin, agus insíonn sí dúinn is minic a bhíonn sí ina trí cinn acu sin ag an am céanna! Sin duine cleachtach ag iltascáil cinnte.

“Ó thosaigh mé ag obair dom féin, tugann sé an deis dom tuileadh rogha a bheith agam agus cláir a bhíonn suim agam iontu a roghnú.”

“Is fíor scéalta an cuid is mó den obair agus is aoibhinn liom am a caitheamh i saol daoine eile.”

Cé chomh tábhachtach atá an aimsir nuair a bhíonn taifead ar bun agat taobh amuigh?

“Is féidir seaicéad deas ar cur orm féin agus ar na ceamaraí ach ní maith le láithreoirí an báisteach. Seasann an ‘runner’ le cúpla scáth fearthainne móra; ceann domsa, ceann don ceamara agus bíonn siad féin ag fáil fliuch báite! Téann muid ar lón fada nó tagann muid ar ais lá éigin eile, ach nuair nach mbíonn aon rogha eile ann, déanann muid cinnte go bhfuil pictiúir ann don uisce ar an talamh nó ar fuinneog sa chaoi go bhfuil sé soiléir go bhfuil báisteach ann, mar gheall go minic bíonn sé deacair a fheiceáil i gnáth radharc.”

“Seachas an aimsir, cuireann an aip seo ar an eolas thú faoi cén t-am a bheidh an ghrian ag éirí agus ag dul faoi. Nuair a bhíonn mé ag ullmhú agus ag fáil réitigh i gcóir ‘shoot’ caithfidh mé a bheith ag smaoineamh faoi cé mhéid am a bheidh againn le solas na gréine agus cén uair a athróidh an solas céanna. Úsáideann muid soilse freisin ach caithfidh tú obair leis an ngrian.”

“Bím sásta taobh amuigh faoin aer, ag obair go fisiciúil agus ba mhaith liom tuilleadh a dhéanamh san nádúr, b’fhéidir san fharraige. Bheidh aip na taoidí ag teastáil uaim ansin!”

Ár mbuíochas le Beatrice Ní Bhroin as ucht a gcuid ama agus an eolas fíor spéisiúil a roinnt linn. Is léir go mbaineann sí an-úsáid as an aip aimsire seo go proifisiúnta agus go pearsanta. Tá Met Office ar fáil saor in aisce ar Android agus ar Apple.

Cén Aip is fearr leatsa faoi láthair? An bhfuil aip aimsire agat féin?

WhatsApp Gaeilge

Dea-scéala eile an tseachtain seo, buíochas leis An Ríomhacadamh – na daoine atá ag obair go dian chun táirgí a aistriú go Gaeilge. Tá Gmail, Twitter, Firefox déanta agus tá aistriúchán WhatsApp ar bun.

Tá an leagan Gaeilge de WhatsApp ar fáil ar an gcóras iOS anois agus beidh leagan Android den aip le teacht go luath.

Tá an teachtaire ar fáil i 75 teanga, na leaganacha seo déanta tríd slua-aistriú – translate.whatsapp.com.

Baineann daoine níos mó úsáid as aipeanna teachtaire anois ar nós LINE, Kik, WeChat, WhatsApp, Facebook, Slack. Taispeánann WeChat go háirithe na féidearthachtaí atá ag aip teachtaire. Bíonn daoine ag ceannach ar líne agus i siopaí, ag aistriú airgead, scanadh QR agus imirt cluichí.

Baineann ós cionn 1 billiún duine úsáid as WhatsApp i níos mó ná 180 tír ar fud an domhain.

#RíomhNaG

Bhí seimineár poiblí ar an ríomhaireacht sa Ghaeilge ar siúl i mBaile Átha Cliath Dé Luain 8ú Bealtaine 2017. Bhailigh daoine ó saol na Gaeilge le chéile ar Champas na Naomh Uile de chuid Ollscoil Chathair Bhaile Átha Cliath (DCU) i nDroim Conrach. Bhí meascán de mic léinn agus daoine a bhíonn ag obair, iad siúd go háirithe a mbaineann úsáid nuálaíoch as an ríomhaireacht ina gcuid oibre.
Seimineár poiblí ar an ríomhaireacht sa Ghaeilge, Fiontar agus Scoil na Gaeilge, DCU. Seoladh an leabhar An Ríomhaire Ilteangach, foilsithe ag Cois Life, údar: Michal Boleslav Měchura
Tar éis do Mhichal Boleslav Měchura, innealtóir ríomhaireachta agus údar an leabhair ‘An Ríomhaire Ilteangach’, an slua a fháiltiú chur sé eochairchainteoir an Ollamh Kevin P. Scannell i láthair, a thaistil ó Ollscoil Saint Louis i Meiriceá. Rinne Kevin Scannell cur síos ar struchtúr na Gaeilge mar bhuntáiste sa ríomh-theangeolaíocht.

Labhair Éamonn Ó Dónaill ansin faoi Gaelchultúr agus go háirithe an úsáid a mbaineann siad as ríomhaireacht i dteagasc na Gaeilge.

Chur Colm Ó Coisdealbha, ó Oifig an Choimisinéara Teanga, i láthair faoi cearta agus dualgais teanga. na dúshlán agus deacrachtaí a bhíonn acu, na scéimeanna agus eolas leictreonach go háirithe.

Thaispeáin an t-innealltóir Ciarán Ó Bréartúin (nascanna.com & scríobh.ie) an méarchlár d’Éirinn a d’fhorbair sé agus chur síos ar tíortha eile a mbíonn a méarchlár féin acu.

Ní amháin go raibh Ronan Doherty ag déanamh taiféad físeán agus ag cinntiú go raibh an ócáid beo ar Facebook CoisLife, is dearthóir suíomhanna gréasáin é agus rinne cur i láthair spreagúil faoina chuid oibre agus dearadh go ginearálta.

An t-aon bean amháin i measc na cainteoirí Neasa Ní Chiaráin, Coláiste na Tríonóide, a chur síos ar abair.ie agus go leor tograí eile ar bun acu!
Neasa Ní Chiaráin, Coláiste na Tríonóide, abair.ie
Cathal Convery, Foras na Gaeilge, foclóir.ie a meabhrú dúinn na buntáistí a bhaineann le foclóirí leictreonach seachas leabhair mór atá trom a chrochadh timpeall.

Is logánaitheoir bogearraí é Micheál Johnny Ó Meachair agus duine den meitheal ar a ghlaoightear an Ríomhacadamh. Ba iontach cloisteáil faoi an méid obair atá déanta agus ar bun ag an meitheal oibrithe deonach seo, ar son na teanga agus na ríómheolaíochta.

Ar dheiridh labhair Dr. Aodhán Mac Cormaic, Roinn Ealaíon, Oidhreachta, Gnóthaí Réigiúnacha, Tuaithe agus Gaeltachta, ar Plean Digiteach don Ghaeilge: straitéis don todhchaí.

Seoladh leabhar Michal Boleslav Měchura ‘An Ríomhaire Ilteangach’ (foilsithe ag Cois Life) ansin mar chuid den ócáid.
Leabhar Michal Boleslav Měchura. An ríomhaire ilteangach
Is treoirleabhar atá ann don teicneolaíocht teanga atá dírithe ar an léitheoir ginearálta. Léitheoireacht riachtanach do gach duine a láimhseálann breis is teanga amháin ar an ríomhaire. Is féidir níos mó eolas a fháil agus é a cheannacht ó CoisLife.ie

MoJoCon 2017

An triú bliain de MoJoCon agus i mbliana thug RTÉ an comhdháil go Cathair na Gaillimhe. Tar éis dhá bhliain rathúil acu i mBaile Átha Cliath, i mbliana tá lá breise agus daoine bailithe in Iarthar na tíre as gach cearn den domhan.
Déardaoin 4ú Bealtaine go dtí Dé Sathairn 6ú Bealtaine in Óstán an Radisson agus le roinnt imeachtaí eile timpeall an Cathair.
Teic na nGael ag MoJoCon 2017 i nGaillimh
Is comhdháil bhliantúil MoJoCon ag díriú ar iriseoireacht mhóibíleach agus na teicneolaíochtaí ar fad a ghabhann le iriseoireacht na linne seo.

Go leor caint ar 5G.. VR.. 360.. Tá an áit lán le seastán, soilse, micreafón, aon saghas crua-earraí a bhféadfá smaoineamh orthu agus na bogearraí ar fad.

Ní gaireas agus giuirléidí amháin atá i mbéal an phobail (agus is breá linn iad!) freisin tá béim á chur ar an scéalaíocht, an luach agus an iriseoireacht féin.

Bhí díospóireacht agus plé faoi ‘bás na hiriseoireachta’ agus níor iontas dúinn go raibh ‘bréagnuacht’ luaite uair nó dhó.
Michael Rosenblum ag rá go bhfuil iriseoireacht marbh ag MoJoCon 2017

Cé go raibh Michael Rosenblum go láidir (agus glórach) i bhfabhar, go bhfuil an iriseoireacht marbh, is léir ón méid caint eile go gceapann formhóir againn go bhfuil tréithe marbh (thart) ach go bhfuil iriseoireacht féin linn agus fiúntas ann i gcónaí.

D’fhreastail gach saghas duine ar MoJoCon chomh maith, iriseoir móibíleach, teagascóir, díoltóir táirge, fiontraí…. srl. srl. agus tá teangacha éagsúla le chloisteáil i ngach áit, thug muid an Ghaeilge faoi deara go háirithe.

Bhí roinnt tuairisciú Gaeilge á dhéanamh ag RTÉ MoJoCon féin freisin.

Táimid ag tnúth go mór leis an méid atá fós le theacht ó Glen Mulcahy agus foireann MoJoCon ar fad. Ár mbuíochas leo.

Céard a chiallaíonn ‘Teic’ duitse…

Siún Ní Dhuinn Tá Siún Ní Dhuinn ag cur fúithi i mBaile Átha Cliath agus go mór faoi thionchar ag Dolly Parton. Is as Dún Dealgan, Contae Lú ó dhúchas di. (Siún, ní Dolly)

Bhunaigh sí suíomh gréasáin As an Nua bliain ó shin chun spás a chruthú don spéis a bhí aici sa scríbhneoireacht chomhaimseartha. Is suíomh dátheangach atá ann, chun na rudaí is ansa léi sa saol a cheiliúradh, le aird a tharraingt ar mhná spéisiúla agus deiseanna nua a aimsiú don Ghaeilge.

D’iarr Teic na nGael ar Siún – Céard a chiallaíonn ‘Teic’ duitse?

“Teic is ea pobal agus foghlaim domsa, thar aon rud eile. Thug an teicneolaíocht deiseanna dochreidte dom foghlaim faoi chultúir, faoi pholaitíocht agus faoi thuairimí dhaoine nach mbeadh cloiste agam futhu murach an teicneolaíocht. Dár ndóigh, tá go leor, leor ama curtha amú agam ar na meáin shóisialta ach má chuirim an t-am a cuireadh amú i gcomparáid lena bhfuil faighte agus foghlamtha agam uaidh, measaim gur mó a fuair mé ná mar a thóg mé ón teicneolaíocht thar na blianta.”

“Teic is ea pobal agus foghlaim domsa, thar aon rud eile.”

“Dár ndóigh, tharla rudaí uafásacha mar gheall ar fhorbairt na teicneolaíochta freisin. Smaoiním ar theacht ‘revenge porn’, ar an gcáineadh géar a fhaigheann mná a nochtann tuairimí láidre i gcompáraid le fir a dhéanann amhlaidh ar líne. Ar an drochuair, ní fheicim anseo ach gné eile den méid a thiteann amach sa saol laethúil, ‘sé sin go bhfuil slat tomhais i bhfad níos déine in úsaid le mná ná le fir. Is dócha go bhfeictear é ar bhealach i bhfad níos sofheicthe ar líne ná in aon áit eile.”

“Tá aithne curtha agam ar chairde tríd an teicneolaíocht, daoine nach dtiocfainn orthu murach an teicneolaíocht. Is áis iontach é an t-idirlíon le teacht ar dhaoine a chuireann spéis sna caithimh aimsirí a shíl tú nach raibh ag éinne eile, seachas tú féin! Twitter agus Instagram is mó atá úsáideach chun teacht ar ghuthanna nua nó ar scéalta nach scaipfí sna meáin thraidisiúnta ach anois atá le cloisteáil. Ba mhór an steangadh a bhain #blacklivesmatter asam, gluaiseacht a chaith solas ar an gcaoi a chaitheann póilíní Mheiriceá le daoine gorma na tíre agus ar an taobh eile, ardú meanman a bhí in #hometovote, a thug guth dóibh siúd a tháinig abhaile go hÉirinn lena vótaí a chaitheamh le tacú leis an reifreann ar chomhionannas pósadh.”

“Dár ndóigh, tá pobal na Gaeilge le haithint anois ar líne freisin ach tá easnaimh mhóra ann sa dioscúrsa agus sa díospóireacht a dhéantar i nGaeilge go fóill. Sin an chúis gur bhunaigh mé mo shuíomh gréasáin féin, As an Nua anuraidh, mar nach raibh a leithéid ann; spás a raibh tosaíocht ag mná i nGaeilge, go príomha ach ní i nGaeilge amháin ach oiread.”

“tá easnaimh mhóra ann sa dioscúrsa agus sa díospóireacht a dhéantar i nGaeilge go fóill. Sin an chúis gur bhunaigh mé mo shuíomh gréasáin féin, As an Nua anuraidh”

“D’fhéadfá a rá gurb é mo shuíomh gréasáin féin a chabhraigh liom mo phost reatha a fháil agus dár ndóigh, ná mbeadh mo phost ann in aon chor, gan an teicneolaíocht féin, is mé atá buíoch di!”

Agus tá muidne buíoch do Shiún as ucht a gcuid ama agus méid seo thuas.

Siún Ní Dhuinn
Siún Ní Dhuinn, Comhordaitheoir Digiteach Gaeilge, RTÉ agus bunaitheoir As an Nua.

Kevin Scannell

Tá Kevin Scannell luaite againn cheana agus ní iontas go bhfuil, cinnte beidh sé luaite arís agus arís eile! Cén fáth? Mar is iontach an obair atá déanta agus á dhéanamh aige ar son na teicneolaíochta agus ar son na Gaeilge go háirithe. Is buíochas le Kevin Scannell agus a chairde, An Riomhacadamh / An tAcadamh um Logánú, go bhfuil rudaí ar fáil dúinn, na Gael ar fad, trí ár dteanga. Cosúil le Mozilla Firefox, LibraOffice, Twitter, Skype agus níos mó, mar a chur Nascanna.com ar an eolas muid faoi. Baineann muid an-úsáid as An Gramadóir agus an Litreoir Gaeilge mar shampla!

Kevin Scannell – Cé hé?
Is Meiriceánach é Kevin a rugadh i mBostún, Massachusetts, de bhunadh Éireannach ar an dá thaobh. Dá bharr sin bhí cultúr na hÉireann an-tábhachtach i measc a mhuintire. Bhí cúpla focal Gaeilge aige nuair a bhí sé óg agus shocraigh sé í a fhoghlaim nuair a bhí sé níos sine. Rinne sé staidéar ar mhatamaitic in Institiúid Teicneolaíochta Massachusetts (MIT), áit a bronnadh BS ar i 1991. Fuair sé céim dhochtúireachta ó ollscoil California, Los Angeles, san matamaitic chomh maith.
An Ollamh Kevin ScannellCé go raibh sé sáite sa mhatamaitic, bhí suim aige sa Ghaeilge i gcónaí, agus go luath sa bhliain 2000 chinn sé ar iarracht a dhéanamh bun-uirlisí ríomhaireachta a fhorbairt don Ghaeilge. Ba chaitheamh aimsire é dó ag an am sin, ach atá níos mó cosúil le obair lánaimseartha anois agus an méid forbairt agus aistriúchán a bhíonn ar bun aige ó lá go lá.

Labhair muid leis an Ollamh Kevin Scannell ar Skype agus seo cuid den comhrá a bhí againn:

Buíochas le Kevin as labhairt linn ó Saint Louis, Missouri, áit atá sé ina Ollamh matamaitic agus ríomheolaíocht san Ollscoil ansin ó 1998.

Ní hí an Ghaeilge an teanga amháin a bhíonn sé ag obair uirthi – tá acmhainní á fhorbairt aige ar son mionteangacha ar fud an domhain, go háirithe na teangacha Ceilteacha eile, teangacha Bantúcha san Afraic agus teangacha Polainéiseacha.

“Creidim go láidir gur féidir an-tairbhe a bhaint as an teicneolaíocht agus as an nGréasán le mionteangacha a chosaint agus a chur chun cinn – agus seo é bunús m’oibre go léir.”

Tuilleadh eolas anseo agus is féidir Kevin @kscanne agus Acadamh Um Logánú @riomhacadamh a leanacht ar Twitter.

F8

Bhí comhdháil bliantúil Facebook d’fhorbróirí ar siúl inné agus inniu i San Jose, California in Ionad Comhdhála McEnery (18 agus 19 Aibreán 2017.)

Ba é an 10ú bhliain den F8, mar a ghlaoightear ar, (www.fbf8.com) agus ar ndóigh bhí gach duine ag fanacht agus ag tnúth leis an méid a bhí le rá ag POF Mark Zuckerberg.

Na bliana seo caite, d’fhoilsigh siad an mapa seo i gcóir bóthar Facebook na 10 mbliana.
Facebook 10 year Roadmap 2016
Chonaic muid seo i Mí Aibreán 2016 agus le gairid chonaic muid scéalta ‘Snapscéal-cosúlachta’ ar Instagram agus Facebook.

Rinne Zuckerberg arís go leor cainte ar réaltacht bhreisithe. Mar chuid dá plean chun méadú a dhéanamh ar réaltacht bhreisithe, thaispeán POF Facebook an t-ardán maisíochtaí ceamara. Is uirlisí atá ann do fhorbróirí lasmuigh a úsáid chun aipeanna réaltacht bhreisithe a thógáil ar féidir theacht orthu trí ceamara atá ann ag aip Facebook. Seans go nosclaíonn seo na doirse go féidireachtaí Facebook, ábhar cosúil le ‘Pokémon Go’ nó rud éigin dá leithéidí.

Tá fhios againn le roinnt blianta anuas, agus feictear go soiléar ar an mapa 10 mbliana, nach suíomh meáin shóisialta amháin atá i Facebook. Is mó comórtas díreacht a bhíonn acu le gnóthaí Google nó Apple.

Is léir go bhfuil Facebook ag cinntiú go gcoinneoidh siad rudaí suimiúil ní amháin don ghnáth úsaideoir, ach tá siad freisin ag smaoineamh ar na forbróirí seasta, agus ábhar suimiúil ann dóibh le go leanfaidh siad orthu ag cruthú aipeanna agus a leithead taobh istigh do Facebook.

Faduda

Tá an haischlib #FADUDA le feiceáil ar líne le Mí anuas agus físeán YouTube beomhar bríomhar ag dul leis.

Is sraith vlaganna é Faduda do BBC Gaeilge curtha le chéile ag an chomhlacht léiriúcháin ‘Paper Owl Films‘.

Tá vlagálaithe óga spleodracha ag déanamh taifid ar fhíseáin iad féin don sraith. Tá go leor le rá agus go leor le tairiscint acu, ag cur ábhar úr digiteach ar líne do dhaoine atá 18-30 bliain d’aois.

Bíonn siad ag caint ar achan rud ó bhia go taisteal go smideadh go yoga. Ní sna 6 chondae amháin atá na físbhlagalaithe lonnaithe ach i gCeanada, sa Spáinn agus ar fud na cruinne.

Faigh amach mar a thagann Ian MacGabhann chun réitigh leis an sneachta i gCeanada agus bí ag coimhéad ar Amy Ní Cholgáin ag giollacht bia veigeánach óna hárasán sa Spáinn.

Is duine de na físbhlagalaí í Caoimhe Ní Chathail agus tá físeáin in airde aici faoi a céad turas i dtacsaí dubh, nodanna chun tú féin a choinneáil sásta agus cén dóigh sailéid ghasta a dhéanamh don obair.

 

Deir Karen Kirby, Léiritheoir Feidhmiúcháin, BBC Gaeilge, go bhfuil an fhoireann ar fad ar bís go bhfuil said “ag tabhairt deis do Ghaeilgeoirí óga dul i gceann agus i bpáirt le hábhar a bhaineann leo féin, ina dteanga féin agus é ar líne go heisiach.

“tá súil againn go spreagfaidh sé Gaeilgeoirí óga, díograiseacha eile a bheith páirteach ann.”

Is féidir teacht ar Faduda fríd an haischlib #FADUDA, bbc.co.uk/gaeilge ar leathanach Facebook BBC Gaeilge agus ar liosta BBC Gaeilge ar chainéal YouTube BBC TÉ.

An Aip is fearr liom…

Aindriú de Paor – Cé hé?
Is láithreoir raidió agus iriseoir é Aindriú, níos minicí a bhíonn sé féin ag cur na ceiste ach is muide a chur faoi agallamh eisean an babhta seo!

Aindriú de Paor ag cur Art Parkinson faoi agallamhIs as Carraig-na-Siúire i gContae Thiobraid Árann ó dhúchais é. Bíonn sé ar ‘An Seinnliosta’ ar RTÉ Pulse chuile oíche Chéadaoin ag 9 i.n. agus ar an mBricfeasta Blasta ar Raidió na Life gach Luan agus Céadaoin ag 8 r.n. Bíonn Aindriú mar thuairisceoir ag RTÉ Raidió na Gaeltachta i mBaile Átha Cliath freisin.

D’iarr Teic na nGael ar Aindriú – Cén Aip is fearr leat?

“Tá sé deacair aip amháin a roghnú i bhfírinne. Tá cúpla aip ann a úsáidim an-mhinic go laethúil.”

“Bíonn Twitter in úsáid agam (@aindriudepaor) sách minic agus mé ag obair. Tá Twitter fíor-áisiúil d’iriseoirí cosúil liomsa mar bíonn an t-eolas is déanaí ann faoi gach aon scéal nuachta le fáil ann. Daoine ar an láthair, tuairimí, ráflaí, tá siad uile ann agus cuidíonn sé sin go mór.”

“Freisin bainim an-úsáid as Snapchat. Úsáidim é gach aon lá chun caint le mo chairde ar agus bíonn sé iontach chun taispeáint do dhaoine céard a bhíonn ar bun agat!”

Ag labhairt le Aindriú, cuirtear ag smaoineamh muid go bhfuil bealaí chun cumarsáid a dhéanamh anois na laethanta seo níos éasca. Nílimid ag brath ar an litir scríofa amháin mar a bhíodh agus cuma cén áit sa domhain atá an duine ar mhaith linn fanacht i dteagmháil leo. Tá go leor aipeanna agus áiseanna anois againn chun seo a dhéanamh. Mar a lúann Aindriú faoi Snapchat mar shampla..

“Bíonn sé an-suimiúil uaireanta, tá cara liom sa tSín faoi láthair agus bíonn a chuid stuiff ar snapchat dochreidte uaireanta! Leanaim cúpla duine atá ag obair sna meáin éagsúla freisin agus is aoibhinn liom a bheith ag féachaint orthu agus iad i mbun oibre. Táim ag iarradh níos mó de sin a dhéanamh le mo chuntas féin (andrewpower95) amach anseo!”

Cé go mbaineann Aindriú úsáid as Twitter agus Snapchat go laethúil, cén aip a roghnóidh sé dúinn..

“Ach dá mba rud é go raibh orm aip amháin a roghnú (agus tá, b’shin an pointe leis an alt seo) bheadh sé thar a bheith deacair orm gan Spotify a roghnú.

“Ach dá mba rud é go raibh orm aip amháin a roghnú, bheadh sé thar a bheith deacair orm gan Spotify a roghnú.”

“Tá an-dúil agam i gcúrsaí ceoil, (cé nach mbeinn in ann coirneáil a chasadh, ná bac le hamhrán!) agus bíonn Spotify iontach chun an ceol is fearr agus is nua a aimsiú. Agus mé ag láithriú cláir ceoil ar RTÉ Pulse, is aoibhinn liom ceol nua a chur amach ansin.”

“Bím ag éisteacht leis an ‘Release Radar’ a bhíonn ar Spotify chuile Aoine agus bíonn neart seod ceoil ann chuile sheachtain!”

“Ceapaim gur iontach an rud é go bhfuil an ceol is fearr ó ar fud an domhain le fáil ar aip amháin agus go bhfuil sé saor in aisce mura bhfuil fonn ort ballraíocht a íoc! Cé go n-íocaim féin an bhallraíocht mhíosúil, níl difríocht mhór ann idir an leagan saor in aisce agus an leagan atá agam féin. An t-aon difríocht in ndáiríre ná go bhfuil tú in ann éisteacht le do cheol gan cheangail idirlín nuair a íocann tú as.”

Is féidir linn a dheimhniú (mar nach bhfuilimid ag íoc an ballraíocht seo faoi láthair) go mbíonn go leor fógraíocht ar an ceann saor in aisce! Aon difríochta eile ar féidir leat a chur leis seo?

“Mura bhfuil Spotify ar d’fhón agat cheanna féin, mholfainn go mór daoibh dul agus é a íoslódáil láithreach!”

Ár mbuíochas le Aindriú de Paor as ucht an ábhar spéisiúil seo agus is minic atá Spotify ag teacht arais chugainn mar rogha Aip is Fearr. Sin ceann a roghnaigh Emma Ní Chearúil chomh maith. Cén Aip is Fearr leatsa faoi láthair na huaire?

Bíonn Aindriú le clos ar RTÉ Pulse chuile Chéadaoin ag 9 i.n. agus ar Raidió na Life gach Luan agus Céadaoin ar maidin ag 8 r.n.

Is féidir éisteacht leis an agallamh a chur sé orainn faoi Teic na nGael .com tar éis dúinn an suíomh gréasáin seo a thosnú a bhí ar Cormac @ 5 ar RTÉ Raidió na Gaeltachta. (Áit a gheall sé dúinn go scríobhadh alt 😉 agus sin déanta! GRMA Aindriú)

Más mian leat Aindriú a leanacht ar Snapchat: andrewpower95 Twitter: @aindriudepaor Soundcloud: aindriudep Instagram: aindriudepaor agus, ar ndóigh, tá sé ar Spotify.

Tandem

Aip Teanga Tandem Logo
Céard é?
Is Aip saor in aisce í Tandem atá ar fáil ó AppleGooglePlay ar féidir cleachtadh a dhéanamh ar (beagnach) teanga ar bith, Gaeilge san áireamh.

Labhair Teic na nGael le oifigeach caidrimh phoiblí agus teagmhála Tandem, Susanna, a thug gach eolas dúinn faoi. Ár mbuíochas léi as ucht a cuid ama agus as teagmháil a dhéanamh linn.

Úsáidtear an Aip chun teagmháil ‘one-on-one’ Tandem a bheith ag duine chun go múinfear teanga dhúchais saor in aisce, trí comhrá teacs, fuaim agus físeán.

Tá tuairim is 5,000 úsaideoir sa phobal Gaeilge tandem, idir Gaeilgeoirí agus foghlaimeoirí, ag cleachtadh na teanga. Tá an Aip seo áisiúil go háirithe do dhaoine taobh amuigh d’Éireann agus tugtar deis dóibh an teanga a labhairt agus a chloisteáil.

EOLAS:
1.       Is aip móibíleach saor in aisce í Tandem le tuairim is 150 teanga ar fáíl faoi láthair na huaire chun malartú
2.       Á fhorbairt ó 2015 le níos mó ná 1.8 milliún íoslódálacha domhanda
3.       Ar an aip, cuirtear beirt baill le chéile mar páirtnéirí teanga bunaithe ar suimeanna comónta, teangach líofa labhartha agus na teangacha ar mhaith leo a fhoghlaim
4.       Bíonn gach duine a dhéanann iarratais ar an aip measartha, ag cinntiú go bhfanann an pobal fáiltiúil agus cáirdiúil, agus díríthe ar foghlaim teanga
5.       Cuireann Tandem ceachtanna ar fáíl le teagascóirí deimhnithe. Is féidir le foghlaimeoirí coinne a dhéanamh, ceachtanna a fháil agus íoctar go huathoibríoch ar seo tríd an aip.

Íoslódáilte níos mó ná 1.8 milliúin uair ar fud na cruinne agus tá 148 teanga anois ar fáil trí pobal, Gaeilge, Béarla, Fraincís, Mongolian, Dothraki agus fiú 11 teanga chomharthaíochta.

Ar bhain tusa triall as Tandem go fóill? Ba bhreá linn bhur gcuid tuairimí faoi a chloisteáil.