Nascanna . com

Cá as a tháinig Nascanna.com? An áit céanna as a dtáinig dúrud.ie agus scríobh.ie

Labhair Teic na nGael le Ciarán Ó Bréartúin, bunaitheoir an suíomh gréasáin.

Is i 2009 a bhunaigh sé (i bpáirtíocht le Seanán Ó Coistín ag an am) an suíomh gréasáin Nascanna.com

Bhí áiseanna agus acmhainní Gaeilge ar fáil cheana féin ach ní raibh fhios ag daoine fúthu. Bhí an-obair déanta ag Kevin Scannell agus bhí gá an scéal a scaipeadh. Bheartaigh siad an dea-scéal a thairiscint ar suíomh gréasáin tarraingteach.

Nascanna.com Text agus Logo

“Ní raibh daoine ar an eolas.”

Shocraigh Nascanna.com an eolas sin a scaipeadh agus daoine a thabhairt le fios go raibh Windows, Office, OpenOffice, Firefox agus eile ar fáil i nGaeilge. Bhí rogha ann. Tá rogha ann. Rogha Gaeilge agus obair buan ar bun chun cur leis ár gcuid roghanna an t-am ar fad.

D’iarr Teic na nGael ar Chiaráin faoi an tábhacht a bhaineann le teicneolaíocht a bheith ar fáil trí Ghaeilge agus eolas faoi teicneolaíocht a bheith trí Ghaeilge:

“Tá sé tábhachtach go mbeadh gach réimse den eacnamaíocht ag feidhmiú trí Ghaeilge. Seo cuid de.”

Cé gur acmhainn rítábhachtach an suíomh gréasáin seo, áis an-úsáideach agus furasta le húsáid. Faraor, níl aon uasdátú á dhéanamh ar an suíomh Nascanna.com (ná Scríobh.ie) Ach tá eolas luachmhar fós ar fáil orthu seo.

Mar a féidir a léamh ar stádas nascanna.com a scríobhadh mí Mheán Fómhair na bliana seo caite:

“Is dona linn an scéal seo, ach níl sé d’acmhainn againn cúram a dhéanamh díobh i láthair na huaire.”

Sé an trua seo cinnte, go háirithe mar nach raibh a leithéid ann roimhe agus tá éileamh ar an eolas fós. Tá feabhas ar na seirbhísí agus áiseanna Gaeilge atá ar fáil dúinn, ach mura bhfuil a fhios ag daoine fúthu…

“An-chuid oibre ag baint leis, agus easpa ama. An gnáthscéal. Bhí roinnt maoiniú ann ón Fhoras, ach níor mhair sé.”

Fuair na tograí seo roinnt áirithe cúnaimh ó Fhoras na Gaeilge thar na blianta ach ní raibh cúnamh ar bith ar fáil dóibh ó dheireadh 2014.

Theastóidh duine oilte a bheith ag obair (fiú go páirtaimseartha) leis na suíomhanna seo a choinneáil beo agus suas chun dáta. Bheadh an duine seo mar thacaíocht do na dhaoine ag obair go deonach agus bheadh gá le tacaíocht theicniúil. Is cinnte go bhfuil neart obair i gceist leis, ach, is fiú é…. Do bharúil?

 
scríobh.ie logo
www.scríobh.ie
eolas maidir leis na feidhmchláir agus na háiseanna ríomhaireachta eile atá ann do scríbhneoireacht na Gaeilge.

www.nascanna.com
eolas maidir leis na feidhmchláir agus na háiseanna ríomhaireachta ginearálta eile atá ann sa Ghaeilge

www.dúrud.ie
bainistithe ag saineolaithe i réimse na teicneolaíochta agus an aistriúcháin

Hackathon na Gaeilge

***Cuireadh ar athló an imeacht seo agus athrú dáta go dtí Dé Céadaoin 11 Aibreán 2017***

Tá Cumann Gaelach an Choláiste Ollscoile Bhaile Átha Cliath ag súil le níos mó ná 50 duine a bheith páirteach san Hackathon atá á eagrú acu ar campas na hollscoile (dáta nua) 11 Aibreán 2017.

Hackathon na Gaeilge postaer nua le dáta nua 11 Aibreán
Is comórtas é an Haiceatón, daoine ag cruinniú le chéile chun teacht ar réiteach ar fhadhb. Tá sé mar aidhm go mbeidh tuilleadh seirbhísí ar fáil trí Ghaeilge agus a bheadh úsáideach i gnáth shaol muintir na Gaeilge. Beidh cúigear ar chaon foireann agus is féidir do thicéad a cheannacht anois.

€10 an ticéad, atá ar fáil ar Eventbrite (Beidh bia ann ar an lá san áireamh chomh maith.

Tá leathanach Facebook ag na himeachta seo le breis eolas agus comhrá faoi.

Beimid ag tnúth go mór níos mó a chloisteáil faoi an lá spreagúil seo, áit a bheidh an teicneolaíocht fite fuaite tríd na tionscnaimh.

An Aip is fearr liom…

Emma Ní Chearúil – Cé hí?

Emma Ní Chearúil Oifigeach Forbartha Gaeilge - Gael-Fhorbairt na Gaillimhe Teo.
Grianghraf le Sita O’Driscoll

Is Oifigeach Forbartha le Gael-Fhorbairt na Gaillimhe í Emma Ní Chearúil, arbh as Maigh Nuad i gContae Chill Dara ó dhúchais í. Bíonn sí ag obair le grúpaí pobail – leithéidí Club na nÓg, Brunch le Gaeilge, Gaeil na Gaillimhe agus Raidió na dTreabh.

Tá sí ina bainisteoir ar an stáisiún pobail Raidió na dTreabh i gCathair na Gaillimhe, agus ar RG Lurgan, atá ar fáil mar aip (ar AndroidApple) agus a chasann popcheol Gaeilge 24/7.

D’iarr Teic na nGael ar Emma – Cén Aip is fearr leat?

“Faoi láthair agus le déanaí tá iarracht á dhéanamh agam aipeanna a sheachaint agus níos lú ama a chaitheamh le fón i mo lámha, agus mar sin níl ach cúpla ceann fágtha agam.”

“tá iarracht á dhéanamh agam le déanaí níos lú ama a chaitheamh le fón i mo lámha”

Is léir go n-aithníonn Emma an gá le smacht a bheith againn orainn féin ó thaobh an teicneolaíochta dhe. Tuigeann muid anseo ag Teic na nGael go bhfuil sé i bhfad ró-éasca a bheith sánaithe faire ar scáileáin chuile nóiméad den lá!

“Ní fhéadfainn maireachtáil gan na cuide seo áfach!”

Is fearr cinnte an mheasarthacht a dhéanamh. Tá dúil anois againn a chloisteáil céard iad na ceanna atá fanta ina saol. Sé Instagram an chéad aip a luann sí agus mar is eol do dhuine ar bith a bhíonn í leanúint, is breá léi é.

“Twitter ceann eile lena bhfuil mé gafa fós, cé nach bhfuil sé ar m’fhón agam a thuilleadh!”

“Is féidir am a chur amú ag scrolláil ar aip shóisialta ar bith, ar ndóigh, ach más féidir staonadh uaidh sin, sílim go bhfuil buntáistí eile ag Instagram.”

“Seachas d’aird a tharraingt ón saol mór agus a dhíriú isteach ar an scáileán beag, sílim go spreagann Instagram mé níos mó airde a thabhairt ar na rudaí áille atá thart timpeall orainn. Stopann daoine le bheith ag breathnú ar spéir dheas nó rudaí fánacha aisteacha ar na sráideanna dá bharr agus sílim gur álainn an rud é sin!”

“Is breá liom Instagram, sílim go spreagann Instagram mé níos mó airde a thabhairt ar na rudaí áille atá thart timpeall orainn.”

Ní hiad Instagram agus Twitter amháin atá fágtha i saol Emma Ní Chearúil. Ar ndóigh, cuireann sí an-suim sa cheol.

“Ceann eile nach bhféadfainn maireachtáil gan é ná Spotify, agus sílim gurb é an €9 is fearr a chaithim chuile mhí – spreagann sé mé agus mé ag rith, cuireann sé ar mo shuaimhneas mé agus is maith liom éisteacht leis ar an mbus, ag ligint orm fhéin go bhfuil fuaimrian á chasadh do scannán mo shaoil. Tá sé cosúil le iTunes gan limistéar a bheith agat!

“sílim gurb é an €9 is fearr a chaithim chuile mhí ná Spotify”

“Tá GarageBand agam freisin, atá iontach le dréachtaí ar chaighdeán maith a thaifead d’amhráin más ceoltóir thú!”

Seachas an Aip atá 4.99 le cheannacht, tá Garageband mar cuid den phacáiste iLife atá saor in aisce ar aon Mac nua (chomh maith le iMovie agus Photos) Ach ní gach duine a bhíonn ar an t-idirlíon ar ríomhairí a thuilleadh, mar a mheabhraíonn Emma dúinn – a chuireann iontas orainn mar nach bhfuil ríomhaire glúine aici! (Níl fhios agam an bhféadfadh muidne maireachtáil gan é)

“Faoi láthair níl teilifís ná ríomhaire glúine agam agus mar thoradh ar sin táim gafa ag podchraoltaí agus raidió – cláir faisnéise, cláir chainte, cláir cheoil, rud ar bith i ndáiríre! Tá Podcasts iontach mar gur féidir podchraoltaí ó shuíomhanna agus stáisiúin éagsúla (Raidió na dTreabh ina measc!) a roghnú agus fógra a fháil nuair a bhíonn cláir nua ar fáil!”

Ár mbuíochas le Emma Ní Chearúil, ar féidir a leanacht ar Instagram agus ar Twitter. Freisin, tá Podchraoltaí Raidió na dTreabh ar iTunes

Lá na Meán Sóisialta i Facebook

Inniu bhí imeacht do dhéagóirí i gCeanncheathrú Facebook i mBaile Átha Cliath mar chuid de Lá na Meán Sóisialta…

Daltaí Scoile ag imeacht #LNMS17 i gCeanncheathrú Facebook i mBaile Átha Cliath
Pictiúr: Conor McCabe Photography

Tá Lá na Meán Sóisialta ar siúl inniu (Déardaoin, 16 Márta) mar chuid de Sheachtain na Gaeilge le Energia 2017.

Is í aidhm Lá na Meán Sóisialta úsáid na Gaeilge ar na meáin shóisialta a mhéadú thar cuimse sa dara lá deireanach de Sheachtain na Gaeilge le Energia 2017 agus í ag druidim i dtreo cheiliúradh mór na Féile Pádraig. Tá Seachtain na Gaeilge le Energia ag súil leis an oiread daoine, scoileanna, eagraíochtaí agus grúpaí agus is féidir a spreagadh chun Gaeilge agus an haischlib #LNMS17 a úsáid ar na meáin shóisialta ar an lá.

Niamh Ní Chróinín, Raidió Rí-Rá; Edel Ní Bhraonáin, Na Gaeil Óga; Cormac Breathnach, Foclóir.ie
Mar chuid de Lá na Meán Sóisialta, bhí ócáid ar siúl do dhaltaí meánscoile in oifigí Facebook i mBaile Átha Cliath. Bhí beirt ambasadóirí de Sheachtain na Gaeilge le Energia 2017 i láthair; Miriam O’Callaghan a bhí ina bean an tí, agus Micheál Ó Ciaraidh a bhí ar an bpainéal cainteoirí, in éineacht le Cara Nig Fhearraigh ó Facebook, Cormac Breathnach ón bhFoclóir Nua, Niamh Ní Chróinín ó Raidió Rí-Rá agus Edel Ní Bhraonáin ó CLG Na Gaeil Óga.

Cormac Breathnach ag taispeáint dúinn na focail nua ar focloir.ie ag #LNMS17
Is féidir leat fós páirt a ghlacadh i Lá na Meán Sóisialta trí phostáil as Gaeilge ar leithéidí Facebook, Twitter, Instagram agus Snapchat agus an haischlib #LNMS17 a úsáid.

Lá na Meán Sóisialta

Amárach, Déardaoin 16 Márta 2017 is Lá na Meán Sóisialta a bheas ann. Cosúil le aon imeacht eile ar líne, cuma cá bhfuil tú lonnaithe ar domhan, is féidir linn ar fad páirt a ghlacadh. Níl orainn ach an haischlib #LNMS17 a úsáid agus beidh an haischlib céanna á núsáid ar na meáin shóisialta ar fad.

#LNMS17 Lá na Meán Sóisialta 2017Bheartaigh foireann Sheachtain na Gaeilge céiliúradh a dhéanamh ar an méid Gaeilge a úsáidtear ar líne, atá ag fás in aghaidh an lae. Ar ndóigh tá an ceiliúradh seo á dhéanamh le linn Sheachtain na Gaeilge le Energia. Tá Facebook agus comhlachtaí idirnáisiúnta teicneolaíochta eile ag obair seasta leis an teanga a chur chun cinn agus bíonn na mílte ag baint úsáid as a gcuid Gaeilge ar na meáin shóisialta.

Deis atá anseo chun daoine fud fad an domhain a spreagadh le níos mó Gaeilge a úsáid ar an lá seo ach go háirithe. Is í an Ghaeilge ceann de na 100 teangacha is gníomhaí ar líne. Is léir an t-éileamh atá uirthi ó na seirbhisí atá ar fáil anois trí Ghaeilge; téacsáil réamhaithriseach, aipeanna agus na céadta suíomhanna idirlíne.

logo Conradh an Gaeilge agus Seachtain na Gaeilge le Energia Tá imeachtaí ar fad Seachtain an Gaeilge ar an suíomh gréasáin agus ar an Aip atá ar fáil saor in aisce ar GooglePlay agus Apple.

Cluasraon.ie

Tá suíomh gréasáin cluasraon.ie beo ar líne ón chéad lá mí Márta 2017. Cuireadh tús leis an togra ag tús na bliana agus is Críostóir Ó Faoláin agus a bhean chéile Natália atá taobh thiar dhe.

Labhair Teic na nGael le Críostóir chun níos mó eolas a fháil..

“Cathaim an t-úafás ama ar líne, ar Facebook/Twitter, ag léamh scéalta nuachta, ag breathnú ar físeán YouTube agus ag éisteacht le podchraoltaí.”

D’inis Críostóir dúinn gur thug sé faoi deara gur Béarla is mó a bhí san ábhar YouTube a bhí sé ag feachaint air agus an scéal céanna le na podchraoltaí a bhí sé ag eisteacht leo.

“Mhothaigh mé go raibh easnamh ann ó thaobh ábhar físeán agus fuaime ar líne.”

“Chuaigh mé ag lorg ábhar den tsaghas sin i nGaelainn, ach is fíor bheagán de a bhí ar fáil. D’fhéadfá na cainéil YouTube a chuireann ábhar Gaelainn ar fáil go rialta a áireamh ar aon lámh amháin.”

Shocraigh siad beirt sraith físeán a chur amach agus sraith a chur muide go leor spéise ann ach go háirithe ná na sraithe darbh ainm ‘Fios’ ina bhfuil cúrsaí eolaíochta agus teicneolaíochta á phlé.

Cuireadh an céad ceann amach le déanaí ag plé an Nintendo Switch a seoladh tús na míosa.

“Tá uainn ábhar nua a chur ar fáil i nGaelainn ar YouTube. Ó thaobh na podchraoltaí de, seachas ábhar d’fhoghlaimeoirí amháin, agus ábhar na stáisiún raidió, déanaim amach nach raibh ach ceann amháin ar fáil i nGaeilge. Bím ag éisteacht leis an t-úafás podchraoltaí Béarla agus tá uaim go mbeidh níos mó ar fáil i nGaelainn.”

cluasraon.ie

Ardán d’ábhar digiteach ar ardchaighdéan is ea cluasraon.ie ar féidir a leanacht ar na meáin shóisialta chomh maith ar Twitter, Facebook agus Instagram.

Ná dearmad an cainéal YouTube. Guímid gach rath orthu!

Raspberry Pi

Leagan nua ‘Rasberry Pi’ seolta

Go dtí seo, má bhí tú ag iarraidh an Raspberry Pi Zero (an leagan is lú atá ar fáil den Raspberry Pi) a nasctha leis an wifi, bhí ort dongle a úsáid agus ceann de do chuid usb ports. Ach anois…

Tá an wifi ar fad in éineacht, go uilechuimsitheach, ag fágáil do chuid USB ports saor agus dá mbeadh tú ag iarraidh an Rasberry Pi a bheith i cás beag, beidh an Wifi chomh maith (gan na sreanga sin a bhíodh agat lasmuigh cheana)

Bíonn suim san Rasberry Pi ‘Zero’ in áit leagan eile den Rasberry Pi más rud go mian leat úsáid a bhaint as ceann níos eadroime, níos lú agus nach úsáídeann an oiread cumhacht.
Raspberry Pi Zero

An bhfuil Rasberry Pi agat sa bhaile?

An Aip is fearr liom…

Micheál Ó Ciaraidh – Cé hé?

Micheál O Ciaraidh TG4 Teic na nGaelIs láithreoir teilifíse é Micheál Ó Ciaraidh ar Cúla4 (rannóg na ndaoine óga) TG4 agus oibríonn sé ar cúntais na meáin shóisialta TG4 chomh maith! #Teic

Nuair nach mbíonn Micheál ag snapáil nó ag déanamh míreanna beo ar Facebook agus meáin shóisialta eile, seineann sé an fidil le banna ceoil darbh ainm Spats Colombo. Táimid ar fad ag tnúth go mór le iad a fheiceáil ag an Electric Picnic arís i mbliana agus tá EP le Spats Colombo ‘Caught in a Bind’ ar fáil le híoslódáil. D’aithneá ó chanúint bhreá Micheál gurb as Leitir Ceanainn, Co. Dhún na nGall dó.

D’iarr Teic na nGael ar Micheál – Cén Aip is fearr leat?

“Bímse gafa le mo fón agus mar sin de, tá mé ag ceapadh go bhfuil na haipeanna ar fad agam faoin am seo! Is iad na cinn a úsáidim don chuid is mó ná Facebook agus Twitter le bheith ionraic, ach ‘s an aip is fearr liom ar domhan ná ‘Soundhound’.

 “na cinn a úsáidim don chuid is mó nó Facebook agus Twitter, ach an aip is fearr liom ar domhan ná Soundhound”

“Ní aip nua atá inti ach fos féin ceapaim go bhfuil cumhachtaí osnádúrtha aici! Tá sí iontach cosúil le ‘Shazam’ san doigh ‘s gur féidir leis an aip seo ceol a aithint ó a bheith ag ‘éisteacht’ le píosa gairid uaidh.

“Mar cheoltóir, tá sé seo iontach mar is minic an am a thagann corr-séis istigh i mo cheann agus déanaim iarracht é a chanadh amach – le fáil amach go díreach cén t-amhrán atá ann. É sin ráite, agus tá mé i ndáiríre faoi seo, tá aip nua den scoth foilsithe ag Foras na Gaeilge an tseachtain seo.

“tá aip nua den scoth foilsithe ag Foras na Gaeilge an tseachtain seo le téarmaí nua ar nós ‘selfie stick’, ‘marriage equality’ agus ‘eejit’ ann”

“Sé ‘Foclóir’ Béarla – Gaeilge atá inti ach tá i bhfad níos mó ná seo amháin i gceist leis. Mar shampla, tá stóir focail nua aige le téarmaí nua ar nós ‘selfie stick’, ‘marriage equality’ agus ‘eejit’ ann. Ach ‘s an rud is glic faoi ná tá samplaí fuaime ann le ngach aon focail agus is féidir an bhealach a ndeirtear iad sna canúintí ar fad a chloisteáil. Samhlaigh dá mbeadh a leithéid ann nuair a bhí mé féin ar scoil ‘s ag iarraidh ullmhúcháin a dhéanamh don Ardteist. ‘Fá dtaobh de’ ABÚ!!!!!”

Ár mbuíochas le Micheál as ucht labhairt linn, tá sé freisin gnóthach faoi láthair mar duine de ambassadóirí Seachtain na Gaeilge na bliana seo. Bíonn sé freisin ag láithriú clár raidió ar stáisiún pobail Gaeilge Cathair na Gaillimhe Raidió na dTreabh.

Try Teic

Give Technology through Irish a go for Seachtain na Gaeilge (or/and beyond)

There are quite a number of ways you can choose ‘Teic as Gaeilge’ do you own a Facebook account?

Teic na nGael Facebook Page viewing it as Gaeilge

Socruithe = Settings

Twitter? Tweet = Giolc

Writing a new tweet Gaeilge

Your Google Drive? Tiomántán. Your Gmail can also be used through Irish.

Gmail thorugh Irish

Have you checked if your mobile phone has an Irish language option?

When taking a selfie on my android people see the words ‘aghaidh áille’ and it feels great!

 

 

More info about Seachtain na Gaeilge on their website.

 

Rogha Gaeilge

Gmail liosta teangacha agus rogha Gaeilge
Is dócha go bhfuil an t-ádh orainn go bhfuil gnólachtaí móra teicneolaíochta in Éireann.. Ceannáras ag a leithéidí Google, Facebook agus Twitter i mBaile Átha Cliath.

Tá rogha Gaeilge ar fáil orthu seo a leanas, an mbaineann tú úsáid as an rogha?

Google / Gmail
Facebook
Twitter
Skype
Firefox / Internet Explorer

Bhí eolas iontach go dtí seo ar an suíomh nascanna.com (ach ní bheidh an suíomh sin á athnuachan)